कैलाली । आफ्नै छोरालाइ इट्टा प्रहार गरी हत्या गरेको अभियोगमा ४७ वर्षीय महेश कुमार चौधरीलाई प्रहरीले पक्राउ गरेको छ । चौधरीले २१ वर्षीय छोरा अर्जुन चौधरीको हत्या गरेको अभियोगमा पक्राउ गरीएको कैलाली प्रहरीले जनाएको छ ।
धनगढी उपमहानगरपालिका–६ मट्यारी बस्ने महेश कुमारले आफ्नै घर भन्दा अन्दाजी १५० मिटर टाढा जंगलमा अर्जुनलाई इँटा प्रहार गर्दा घटनास्थलमै मृत्यु भएको प्रहरीले जानकारी दिएको छ ।
घटनाको खबर पाए लगत्तै वडा प्रहरी कार्यालय धनगढी र जिल्ला प्रहरी कार्यालय कैलालीबाट खटिएको प्रहरीको टोलीले महेशकुमारलाई पक्राउ गरेको हो ।
घटनाका सम्बन्धमा प्रहरीले अनुसन्धान थालेको जानकारी दिएको छ ।