साँकेतिक तस्बिर
काठमाडौं । कपिलबस्तुको शिवपुरमा १५ बर्ष अघि हत्या गरेर फरार भएका २ जनालाई प्रहरीले राजाधानीको महाराजगञ्जबाट पक्राउ गर्न सफल भएको छ ।
पक्राउ पर्नेमा पक्राउ पर्नेहरूमा ओखलढुङ्गा साविक नर्मदेश्वर गाविस(७ देवीथान घर भई ललितपुर टिकाथली बस्ने ५३ वर्षीय भिम बहादुर बुढाथोकी र रामेछाप साविक सालु गाविस(६ घर भई काठमाडौं चावहिल बस्ने ६८ वर्षीय गुमान ध्वज खड्का रहेको प्रहरीले पुष्टी गरेको छ ।
पक्राउ परेकाहरुले २०६४ चैत ३० गते धारिलो हतियार प्रहार गरी नेपालगञ्ज उपमहानगरपालिका–५ स्थायी घर भएका २८ वर्षीय बिकास केसीको हत्या गरी सवारीसाधन लुटेर फरार भएका थिए ।
भे. १ च ५८१ नम्बरको जिप चालक केसीलाई कपिलबस्तु साविक शिवपुर गाउँ बिकास समिति–१ शिवपुरस्थित महेन्द्र राजमार्गमा धारिलो हतियार प्रहार गर्दा मृत्यु भएको थियो ।
मृत्त अवस्थामा फेला परेका केसीको थप अनुसन्धानको क्रममा केन्द्रीय अनुसन्धान व्यूरो महाराजगंजबाट खटिएको प्रहरीले घटनामा संलग्न रही फरार रहेका उनीहरूलाई काठमाडौं महानगरपालिका–३ महाराजगंजस्थित सडकमा हिँडिरहेको अवस्थामा फेला पारी पक्राउ गरेको ब्यूरोले जनाएको छ ।
उनीहरूलाई आवश्यक कारवाहीको लागि वडा प्रहरी कार्यालय चन्द्रौटा कपिलवस्तु पठाइएको छ ।