साँकेतिक तस्बिर
आँबुखैरेनी । आबुखैरेनीबाट आज बिहान लागुऔषध सहित ३ जनालाई प्रहरीले पक्राउ गरेको छ ।
पक्राउ पर्नेहरूमा रुपन्देही सिद्धार्थ नगरपालिका–६ पिपरैया बस्ने ४० वर्षीय महेश चमार, तनहुँ रिसिङ गाउँपालिका–१ सपाङदी बस्ने २१ वर्षीय आकाश गाहा र तनहुँ देबघाट गाउँपालिका–२ बैदी बस्ने २१ वर्षीय सुरज थापा रहेको ईलाका प्रहरी कार्यालय आँबुखैरेनीले जानकारी दिएको छ ।
अस्थायी प्रहरी पोष्ट मुग्लिङ पुलजिपबाट खटिएको प्रहरीले भैरहवाबाट पोखरातर्फ जाँदै गरेको ना. ५ ख १८२ नम्बरको बसलाई चेकजाँच गर्ने क्रममा बसमा सवार उनीहरूलाई लागूऔषधसहित फेला पारी पक्राउ गरेको हो ।
पक्राउ परेकाहरुबाट नियन्त्रित लागूऔषध डाईजेपाम ११५ एम्पुल, फेनरागन ११५ एम्पुल र नुर्फिन ११५ एम्पुल फेला पारेको प्रहरीले जनाएको छ ।
पक्राउ परेका सबैलाई आजै लागुऔषध सम्बन्धी मुद्वा दर्ता गरी अनुसन्धान थालिएको प्रहरीले जनाएको छ ।