पोखरा । बगर भाई खलक एट–ए–साइड भेट्रान्स फुटबल प्रतियोगिताको सम्पूर्ण तयारी पुरा भएको आयोजकले जनाएको छ । “स्वास्थ्यको लागि एक घण्टा व्ययाम, नागरिकहरुका लागी नौलो आयाम” भन्ने मूल नाराका साथ आयोजना हुने खेलको तयारी पुरा भएको आयोजक संस्थाले पत्रकार सम्मेलनमा जानकारी दिएको हो ।
“पाँचौ स्व.रञ्जित गुरुङ स्मृती तथा ११ औं वगर भाई खलक एट–ए–साइड अन्तर्राष्ट्रिय फुटबल प्रतियोगिता” यहि पुष २६ गतेबाट माघ १ गते सम्म पोखराको टुँडिखेल मैदानमा सञ्चालनमा आउने ५ ।
पाका खेलाडीहरु अर्थात ४० बर्षदेखि ६५ बर्षको उमेर समुहका खेलाडीहरु बिच हुने खेलले नयां पिढीलाई खेलकूद प्रति अभिरुची जगाउने खेलको उद्वेश्य रहेको आयोजकले जनाएको छ । प्रतियोगितामा २६ टिमको सहभागिता हुने संस्थाका अध्यक्ष दिलबहादुर गुरुङले जानकारी दिए ।
भेट्रान प्रतियोगितामा काठमाण्डौं, विरगन्ज, हेटौडा, चितवन, वुटवल, वालिङ्ग लगायतका स्थानिय टिमहरुको सहभागिता हुने छ ।
प्रतियोगीतामा उपाधि विजेताले १ लाख ५१ हजार १११ सहित रनिङ्ग शिल्ड, पदक र प्रमाणपत्र, तगा उपाविजेताले नगद ७५ हजार ५ ५५ सहित ट्रफी, पदक र प्रमाणपत्र प्राप्त गर्नेछन् ।
त्यस्तै उत्कृष्ट गोल किपर, उत्कृष्ट डिफेण्डर, उत्कृष्ट मिडफिल्डर र उत्कृष्ट फरवार्डलाई ट्रफी सहित जनही नगद ५ हजार पाउने छन् भने सेमिफाइलन पुग्ने २ टिमलाई जनही नगद १० हजार नगद उपलव्ध गराईने आयोजकले जनाएको छ ।
प्रतियोगिता संचालन गर्न. २० लाख खर्च लाग्ने अनुमान आयोजकले गरेको छ ।
