गोरखा । गोरखा सदरमुकाममा रहेका जिल्ला प्रशासन कार्यालय र मालपोत कार्यालयले बार अनुसार सेवाग्राहीलाई सेवा दिने भएको छ ।
कोरोना महामारीका कारण सेवामा सहजता र संक्रमण दर फैलनबाट रोक्ने उद्वेश्यका साथ बार अनुसार सेवा दिनलागेको प्रमुख जिल्ला अधिकारी शालिग्राम शर्मा पौडेलले बताए ।
सरकारी कार्यालयहरुमा सेवाग्राहीको चाप नहोस र संक्रमण फैलने खतरा पनि कम होस भन्ने उद्वेश्यका साथ भिडभाड हुने सबै सरकारी कार्यालयलाई सूचना प्रशासन गरी बारअनुसार सेवा दिन भनिदएको प्रजिअ पौडेलले जानकारी दिए ।
जिल्ला प्रशासन कार्यालय गर मालपोत कार्यालयले एउटै प्रकृतीको सूचना जारी गर्दै बार अनुसारको सेवा लिन आउन सेवाग्राहीलाई अनुरोध गरेको छ ।
मालपोत कार्यालय
आइतबार–सोमबार : गोरखा नगरपालिका र आरुघाट र धार्चे गाउँपालिका
मंगलबार–बुधबार : पालुङटार नगरपालिका र सिरानचोक र गण्डकी गाउँपालिका
बिहीबार–शुक्रबार : भिमसेन थापा, शहिद लखन, बारपाक सुलिकोट र अजिरकोट गाउँपालिकालाई सेवा दिने मालपोत कार्यालयले जारी गरेको सूचनामा भनिएको ।
उता उत्तरी गोरखाको चुमनुब्री गाउँपालिकाका सबै सेवाग्राहीलाई भने सिर्दीबासमा रहेको सेवा केन्द्रबाट सेवा लिन कार्यालयले भनेको छ ।
त्यस्तै गरी जिल्ला प्रशासन कार्यालय गोरखाले पनि सूचना जारी गर्दै बार अनुसारको सेवा दिने जानकारी गराएको छ ।
जिल्ला प्रशासन कार्यालय गोरखा
उता नापी कार्यालयले भने बार अनुसार भन्दा पनि सेवा ग्राही आएको खण्डमा ६ दिन नै सबै पालिकाको काम गर्ने जनाएको छ ।
