गोरखा । बुधबार जिल्लाको विभिन्न स्थानिय तहमा भएका ७८ जनाले कोरोना जित्दा १८ जनामा कोरोना संक्रमण देखिएको छ ।
जिल्लाको गोरखा र पालुङटार नगरपालिका, गोरखा अस्पताल, आरुघाट र शहिद लखन गाउँपालिमा गरी थप १८ जनामा संक्रमण देखिएको स्वास्थ्य कार्यालय गोरखाले जनाएको छ ।
आज प्रदेश स्वास्थ्य निर्देशनालयबाट ९ जना महिला र २४ जना पुरुषको पीसीआर नतिजा प्राप्त हुदा १२ जनामा र २९ जना महिला र २५ जना पुरुषमा एन्टिजेन परिक्षण गर्दा ७ जनामा संक्रमण देखिएको हो ।
स्वास्थ्य कार्यालय गोरखाले आज उपलब्ध गराएको रेकर्ड अनुसार पीसीआर तर्फ गोरखा नगरपालिकामा १ जना महिला र १० जना पुरुषमा संक्रमण देखिएको छ ।
त्यस्तै री गोरखा अस्पतालमा गरिएको एन्टिजेन परिक्षणमा १ जना महिला र २ जना पुरुष, आरुघाट गाउँपालिका र शहिद लखन गाउँपालिकामा १–१ जना महिला र पालुङटार नगरपालिकामा २ जना पुरुषमा संक्रमण देखिएको छ ।
कार्यालयले आज पनि विभिन्न स्थानिय तहमा २७ जना महिला र २२ जना पुरुषको पीसीआर संकलन गरेको छ ।
बुधबार सम्म जिल्ला भित्र २६७ जना सक्रिय संक्रमित रहेको पनि कार्यालयले जानकारी दिएको छ ।