गोरखा । गोरखाको विभिन्न स्थानिय तहमा आज थप ४७ जनामा कोरोना संक्रमण पुष्टी भएको छ ।
गोरखा र पालुङटार नगरपालिका, गोरखा अस्पताल, भिमसेन थापा, अजिरकोट र सिरानचोक गाउँपालिकामा गरी शुक्रबार ४७ जनामा संक्रमण देखिएको स्वास्थ्य कार्यालय गोरखाले पुष्टी गरेको हो ।
शुक्रबार संक्रमण पुष्टी भएका मध्ये ३२ जना पीसीआर र १५ जना एन्टिजेन मार्फत पोजेटिभ देखिएको छ ।
कार्यालयले उपलब्ध गराएको रेकर्ड अनुसार पीसीआर तर्फ गोरखा नगरपालिकामा १४ जना महिला र १८ जना पुरुषमा संक्रमण देखिएको छ ।
त्यस्तै गरी एन्टिजेन तर्फ गोरखा अस्पतालमा ३ जना पुरुष, पालुङटार नगरपालिकामा १ जना महिला र भिमसेन थापा गाउँपालिकामा ६ जना महिला र १ जना पुरुषमा संक्रमण देखिएको कार्यालयले जनाएको छ ।
उता अजिरकोट र सिरानचोक गाउँपालिमा भने २–२ जना महिलामा संक्रमण देखिएको कार्यालयले जनाएको छ ।
संक्रमण देखिएका मध्ये आज ४५ जना महिला र ३७ जना पुरुषको पीसीआर परिक्षणको नजिता प्राप्त हुदा ३२ जना र ६१ जना महिला र ६० जना पुरुषको एन्टिजेन परिक्षण गर्दा १५ जनामा संक्रमण देखिएको हो ।
जिल्लाको चुमनुब्री गाउँपालिका बाहेक अरु स्थानिय तहमा शुक्रबार साँझ सम्म ६०९ जना सक्रिय संक्रमित रहेको कार्यालयले जनाएको छ ।