गोरखा । त्रिशुली नदीमा आज एक नाबालकको शव फेला परेको छ । जिल्लाको गण्डकी गाउँपालिका ८ को बर्खेघाट भन्ने स्थानमा त्रिशुली नदी किनारमा नाबालकको शव फेला परेको जिल्ला प्रहरी कार्यालय गोरखाले पुष्टी गरेको हो ।
नाम, थर, वतन खुल्न नसकेको अन्दाजी ३–४ जस्तो देखिने बालक नदी किनारमा मृत्त अवस्थामा देखे पछि त्रिशुली नदीमा माछा मार्न गएका स्थानियले प्रहरीलाई खबर गरेका थिए ।
मृत्तक बालकले पहेलो कालो धर्को भएको सुरुवाल तथा कालो कन्जी र सेतो लोगो भएको टिसर्ट लगाएको अवस्थामा शव फेला परेको गोरखा प्रहरीले जनाएको छ ।
प्रहरीले बालकाको आफन्तको खोजी भई रहेको र धादिङको प्रहरीलाई समेत उत्त कुराको जानकारी गराईएको जिल्ला प्रहरी कार्यालय गोरखामा प्रहरी नायव उपरिक्षक एवं सूचना अधिकारी प्रकाश दाहालले बताए ।
