गोरखा । गोरखाको आरुघाटमा उपचाररत कोरोना सक्रमित महिलाको आज ज्यान गएको छ ।
आरुघाट गाउँपालिकाको आरुचनौटे प्राथामिक स्वास्थ्य केन्द्रको आरुघाट बजारमा रहेको कोभिड अस्पतालमा उपचाररत ८१ बर्षिया महिलाको उपचारको क्रममा मंगलबार ज्यान गएको हो ।
आरुघाट गाउँपालिका स्वास्थ्य शाखाका प्रमुख बिजय श्रेष्ठलेका अनुसार आरुघाट गाउँपालिका ३ थुमी घर भएकी ति महिलालाई साउन २८ गते कोरोना संक्रमण पुष्टी भएको थियो ।
कोरोनासंग मिल्दोजुल्दो लक्षणदेखिएपछि २६ गते स्वाब संकलन गरि पिसिआर परीक्षणमा पोजेटिभ देखिएकी ति महिलालाई स्वास्थ्य समस्या देखिदै गएपछि कोभिड अस्पतालमा साउन ३१ गते भर्ना गरिएकोमा उपचारको क्रममा आज ज्यान गएको स्वास्थ्य प्रमुख श्रेष्ठले जानकारी दिए ।
मृतक महिलाको शव नेपाली सेनाले व्यवस्थापन गर्ने तयारी गरिरहेको गाउँपालिकाले जनाएको छ ।
