गोरखा । गोरखाको पालुङटार नगरपालिका क्षेत्र भित्र दुध उत्पादन बढाउन भैसी पालक किसान समुहलाई आर्थिक अनुदान सहयोग उपलब्ध गराइएको छ ।
मध्यपहाडी लोकमार्ग दुग्ध उत्पादन कार्यक्रम अन्र्तगत नगरपालिका भित्रका ५ वटा भैसी पालन गनेृ समुहका ४८ जना किसानलाई १५ लाख ६० हजार रुपैया अनुदान उपलब्ध गराइएको हो ।
नगरपालिका पशु शाखाका प्रमुख रामप्रसाद देवकोटाका अनुसार किसानले गोठमा भैसी आएपछि प्रत्येकलाई भैसी खरिद बापत ३० हजार रुपैयाँ तथा ढुवानी बापत २ हजार ५०० रुपैया अनुदान रकम पाउने छन् ।
संघिय सरकारको सर्शत कार्यक्रम अन्तर्गत नगरपालिकाले २ प्रतिसत सहुलियत व्याजदरमा प्रत्येक किसानहरुलाई ५० हजार रुपैयाँ समेत ऋण सहयोग उपलब्ध गराएको नगरपालिकाले जनाएको छ ।
नगर क्षेत्रमा दुधको माग बढी भए संगै व्यवसायिक रुपमा दुध उत्पादनमा लाग्ने किसानहरु प्रोत्साहनकालागि अनुदान कार्यक्रम सञ्चालन गरिएको हो । नगरपालिकालाई दुध उत्पादनमा आत्मा निर्भर बनाउने लक्ष्य काम भइरहेको नगरपालिकाले जनाएको छ ।
अनुदान उपलब्ध गराउनु अघि नै नगरपालिकाको अनुगमन टोलीले किसानको घरमा पुगेर भैसी पाल्नका लागि घाँस, गोठको अबस्थाको बारेमा अघ्यन गरेको थियो । अनुदान उपल्ब्ध गराएका भैसी पालक किसानहरुले दुध उत्पादन सुरु गरिसकेको पनि नगरपालिकाको पशु शाखाले जनाएको छ ।
कार्यक्रम अन्र्तगत नगरपालिकाको ४ को ठाँटीचौर स्थित ठाँटीचौर भैसी पालन समुह, ५ को माँझखोर स्थित श्री लिगलिग पशु कृषि सामुदायिक समितिका गरि २० जनालाई अनुदान उपलब्ध गराइएको छ ।
त्यस्तै गरी नगरपालिकाको ५ को माँझखोर स्थित श्री नौखोर पशुपालक कृषक समुह, १ को ज्योती चौतारामा रहेको श्री ज्योती दुग्घ संस्थान कृषक समुह, १० को लप्सी चौर स्थित श्री मिलिजुली पशुपालन समुहमा आबद्ध भएका २८ जनालाई किसानलाइ पनि अनुदान रकम उपलब्ध गराइएको छ ।
नगरपालिकाले प्रत्येक भैसीपालक कृषक समुहलाई ५ हजार रुपैयाँका दरले समुह सञ्चालन खर्च समेत उपलब्ध गराएको छ । भैसी पालक समुह र कृषकहरुको नगरपालिकाबाट नियमित अनुमगन समेत नगरपालिकाले जनाएको छ ।