गोरखा । जिल्लामा कोरोना महामारी फैलिए संगै मंगलबार देखी कडा प्रकारको लकडाउन गर्ने निर्णय भएको छ ।
जिल्ला कोभिड ब्यवस्थापन समितिले आइतबार गरेको निर्णय अनुसार भाद्र १ गते राती १२ः०० बजे अर्थात २ गते बिहानै देखी ११ गते राती १२ः०० सम्म कडा प्रकृतिको निषेधाज्ञा लागुहुने भएका कारण जिल्ला बाहिरबाट आउने र जिल्लाबाट बाहिरीनेलाई १ दिनको मौका दिइएको प्रमुख जिल्ला शालिग्राम शर्मा पौडेलले बताए । ‘हामी सबै कुरा बन्द गर्दै छौ । त्यसैले जिल्लामा रहेका मानिस बाहिर जान र बाहिर भएका मानिस जिल्ला आउन चाहनेहरुकालागी १ गते १ दिनको समय दिईएको’ उनले बताए ।
समितिले आइतबार सबै प्रकारको सभा, सम्मेलन, गोष्टी, तालिम, सेमिनार, भेला, जात्रा तथा महोत्सव गर्न रोक लगाएको छ भने रंगशाला, कभर्ड हल, फुटसल, खेलकुद मैदान, पार्टी प्यालेस, सिनेमा हल, होटल तथा रेष्टुरेन्ट, चिया तथा खाजा पसल, क्लब, डान्स सेन्टर, ब्यूटी पार्लर, कपडा पसल, सैलुन, जिमखाना, सुनचाँदी पसल, टेलरिङ, फोटो स्टुडियो, इलेक्ट्रिक एण्ड इलोक्ट्रोनिक तथा फुटपाथ पसल सम्मे सञ्चालन गर्न रोक लगाएको छ ।
यस्तोमा कोही मानिस जिल्ला बाहिरबाट आउने तथा बाहिरन चाहनेहरुकालागी भनेरै १ गते राती १२ः०० बजे सम्मको समय सिमा तोकिएको जिल्ला कोभिड ब्यवस्थान समितिले जनाएको छ ।
समितिले गरेको निर्णयमा औषधी पसललाई २४ सैं घण्टा खुल्ला गर्न अनुमती दिएको छ भने दैनिक उपभोग्य खाद्यान्न, तरकारी, फलफुल, दुध तथा दही, माछा, मासु, कृषिजन्य विउ विजन, मल, पशु पन्छीको दाना बिक्री गर्ने पसलहरु, निर्माण सामाग्री बितरण गर्ने पसलहरु र वर्कसप स्वास्थ्य मापदण्ड अपनाएर बिहान ५ः०० बजेदेखी १०ः०० बजे सम्म खुल्ला गर्न पाउने निर्णय गरेको छ ।
समितिको हिजोको निर्णयले बैंक तथा वित्तिय संस्थाहरुको कारोबार बन्द गराएको छ भने गर्नै परेको खण्डमा बैंकले सार्वजनिक सूचना जारी गरी एक जना ब्यत्तिलाई सम्र्पक ब्यत्ति तोकी अत्यावश्यक बाहेकका अरु काम नगर्न भनेको छ । साथै उत्त अवधीभर कुनै पनि सार्वजनिक तथा निजी सवारी साधान सञ्चालनमा रोक लगाउने निर्णय भएको समितिले जनाएको छ ।
