गोरखा । आज जिल्लाको ४ स्थानिय तहमा गरिएको एन्टिजेन परिक्षणका क्रममा थप ४० जनामा संक्रमण पुष्टी भएको छ ।
आइतबार गोरखा अस्पताल, पालुङटार नगरपालिका, धार्चे र भिमसेन थापा गाउँपालिमा गरिएको एन्टिजेन परिक्षणका क्रममा ४० जनामा संक्रमण देखिएको स्वास्थ्य कार्यालय गोरखाले पुष्टी गरेको हो ।
आज संक्रमण देखिएको गोरखा अस्पतालमा २ जना महिला र ३ जना पुरुष तथा पालुङटार नगरपालिकामा ३–३ जना महिला र पुरुषमा संक्रमण देखिएको छ ।
त्यस्तै गरी धार्चे गाउँपालिकामा १ जना महिला र ४ जना पुरुष तथा भिमसेन थापा गाउँपालिकामा १८ जना महिला र ६ जना पुरुषमा संक्रमण देखिएको कार्यालयले जनाएको छ ।
आज ८० जना महिला र ७२ जना पुरुषमा एन्टिजेन परिक्षण गर्दा २४ जना महिला र १६ जना पुरुषमा संक्रमण पुष्टी भएको छ ।
यता आज पनि प्रदेश स्वास्थ्य निर्देशनालयबाट कुनै पनि पीसीआर परिक्षणको नतिजा प्राप्त नभएको कार्यालयले जनाएको छ । आजै कार्यालयले विभिन्न स्थानबाट ५१ जना महिला र ६२ जना पुरुषका पीसीआर संकलन गरेर निर्देशनालको कार्यालय पोखरा पठाएको जनाएको छ ।
आइतबार सम्म जिल्लाको विभिन्न स्थानिय तहमा ५१७ जना सक्रिय संक्रमित रहेका छन् ।
