गोरखा । गोरखाको बुंकोटमा रहेको दुवै वडाबासीले निशुल्क एम्बुलेन्स सेवा पाउने भएका छन् ।
शहिद लखन गाउपालीका वडा नम्बर ७ र ८ का बुङकोट बासीहरुले निशुल्क एम्बुलेन्स सेवा पाउने भएका हुन् ।
वडा कार्यलयको आर्थिक बर्ष २०७८–०७९ को बार्षिक योजना कार्यक्रम अनुसार गर्भवति महिला, अपाङगता भएका क र ख तथा वडामा बसोबास गर्ने ६५ बर्ष माथिका जेष्ठ नागरीकहरु बिरामी भएको खण्डमा उनीलाई निशुल्क एम्बुलेन्स सेवा दिन लागिएको वडा नम्बर ८ का वडाध्यक्ष काशीनाथ अंगाईले बताए ।
बुङकोट स्वास्थ्य चौकी वा बुंकोट आधारभूत स्वास्थ्य केन्द्रमा चेक जाँज गरी त्यहाँ उपचार हुन नसक्ने अवस्थामा स्वास्थ्य कर्मीहरुको सिफारीसमा उपचारको लागी गोरखा अस्पताल सम्म आउजाउ गर्नकालागी गर्भवति महिला, अपाङगता भएका क र ख तथा वडामा बसोबास गर्ने ६५ बर्ष माथिका जेष्ठ नागरीक बिरामीलाई वडाकै खर्चमा निशुल्क एम्बुलेन्स सेवा उपब्ध गराउन लागिएको हो ।
यो सेवा पहिलो चरणमा दुवै वडामा २०७८–४–१ देखि लागु भएर २०७९–३ मसान्त सम्मकोलागी भएको समेत वडा कार्यालयले जनाएको छ ।