गोरखा । गोरखाको महादेवटारमा छोरालले आत्माहत्या गरेको भोलीपल्टै आमाले पनि पासो लगाएर आत्माहत्या गरेकी छिन् ।
जिल्लाको भिमसेन थापा गाउँपालिका ८ को महादेवटारमा छोराले आत्माहत्या गरेको भोलिपल्ट आमाले पनि आत्माहत्या गरेको जिल्ला प्रहरी कार्यालय गोरखाले पुष्टी गरेको हो ।
बिहीबार साँझ अर्थात २८ गते २० वर्षिय राजकुमार दरैले घरभित्रै झुण्डिएर आत्महत्या गरेकै भोली पल्ट २९ गते राती सैतनी आमा ३४ वर्षिय नरिमाया दरै घरभित्रै झुडिएर आत्माहत्या गरेको जिल्ला प्रहरी कार्यालय गोरखामा प्रहरी नायव उपरिक्षक एवं सूचना अधिकारी प्रकाश दाहालले बताए ।
घर परिवार भित्र आमा छोराको सामान्य विवाद भई रहने भएता पनि मनुपर्ने कुनै कारण भने बुझन नआएको सूचना अधिकारी दाहालले बताए । मृत्तक छोरा भने टिपर चालक भएको बुझन आएको छ ।
छोराको मृत्यु पछि सैतेनी आमालाई परिवार तथा केही ब्यत्तिहरुले छोराको मृत्युको कारक आफु भएको भन्ने गाउँलेबाट कुरा सुन्न थाले पछि आमा नरिमायाले आफु पनि मर्छु भन्ने अभिब्यत्ती दिएको प्रहरीले जनाएको छ ।
मृत्यु शंकास्पद नदेखिएता पनि शव पोष्टमार्टका लागि प्राथमिक स्वास्थ्य केन्द्र आरुघाट पठाइएको कार्यालयले जनाएको छ ।
