गोरखा । गोरखा सदरमुकाममा रहेको सतिपिपल क्षेत्रमा जुवातास खेलेको आरोपमा प्रहरीले ५ जनालाई नियन्त्रणमा लिएको छ ।
गोरखा नगरपालिका ५ को सतिपिपलमा रहेको घनश्याम थापामगरको घरमा नुवातास लेखेको भन्दै प्रहरीले ५ जनालाई नियन्त्रणमा लिएको हो ।
जिल्ला प्रहरी कार्यालय गोरखामा प्रहरी नायव उपरिक्षक एवं सूचना अधिकारी प्रकाश दाहालका अनुसार २८ गते बिहीबार साँझ थापामगरको घरमा जुवातास खेलेको भन्ने जानकारीको आधारमा प्रहरीले उत्त घरमा छापामारी घरवेटी थापामगर, सोही स्थानका राजु राना, रेफबहादुर थापा र नविन थापा तथा वडा नम्बर ७ खिरेपानीका बहादुर गुरुङलाई प्रहरीले नियन्त्रणमा लिएको छ ।
उनीहरुको साथबाट खेल्न प्रयोग गरिएको ३ बुक तास र १२ हजार ३९० रुपैयाँ बरामद भएको सूचना अधिकारी दाहालले जानकारी दिए ।
पक्राउ परेका सबैलाई शुक्रबार नै जिल्ला प्रशासन कार्यालय गोरखामा जुवा सम्वन्धी कसुर शिर्षकमा मुद्वा दर्ता गरी ७ दिनको म्याद थप गरी अनुसन्धान सुरु गरिएको प्रहरी कार्यालयले जनाएको छ ।
