गोरखा । गोरखाका स्थानीय तहका वडाध्यक्षहरुले वडा तहमा खाता सञ्चालनको माग गर्दै गण्डकी प्रदेशका मुख्यमन्त्रि कृष्णचन्द्र पोखरेललाई आज ज्ञापन पत्र बुझाएका छन् ।
गोरखा नगरपालिका भित्रका बिभिन्न ८ वटा वडाका वडाध्यक्षहरुले मुख्यमन्त्रि पोखरेललाई भेटेर वडा तहमा नै खाता सञ्चालनकोलागी सहजीकरण गरिदिन माग गरेका हुन् ।
बिगतमा गाविस कार्यालय हुँदा समेत वडा स्तरमै खाता सञ्चालन भई जनताले वडाबाट नै सुबिधा पाउने गरेको भएपनि अहिले संघिय लोकतान्त्रिक गणतन्त्रको संघिय संरचनामा झनै अधिकार कटौती भएको भन्दै प्रदेश सरकारको ध्यानकर्षण गराइएको गोरखा नगरपालिका ११ का वडाध्यक्ष रामबहादुुर खड्काले बताए ।
‘वडा–वडामा सञ्चालित बिकास निर्माणका योजनाहरु उपभोक्ता समिति मार्फत सञ्चालन भइ काम भइरहेको छन्, उनले भने, तर उपभोत्ता समितिका पदाधिकारी र सदस्यहरु योजना भुक्तानीको चेक बुझ्न ४÷५ दिन लगाएर नगरपालिका र गाउँपालिका केन्द्रमा धाउनु पर्ने बाध्यता छ ।’
उनले सानो सानो योजनाको रकम बुझ्न समेत स्थानीय तहको केन्द्रसम्म धाउनुपर्ने बाध्यताका कारण निर्वाचित जनप्रतिनिधि र स्थानीय जनताले सिंहदरबारको अधिकारी गाउँगाउँमा पाउन नसकेको अनुभुति गरिरहेको मुख्यमन्त्रीलाई जानकारी गराईएको बताए ।
सो समूहले नागरिकहरुले भोग्नु परेको सास्ती र बाध्यताको बिषयमा मुख्यमन्त्रीलाई भेटेरै प्रदेश सरकारको ध्यानकर्षण गराइएको छ । मुख्यमन्त्रीलाई बुझाएको ज्ञापन पत्रमा वडा तहबाट सुत्केरी महिलालाई अस्पतालसम्म पु¥याउन एम्बुलेन्स खर्च तथा अति बिपन्न गरिब दलित परिवारलाई तत्काल आर्थिक सहयोग गर्नबाट समेत वडा कार्यालय बन्चित हुदै आएको पत्रमा उल्लेख गरिएको छ ।
मुख्यमन्त्री संगको भेटमा गण्डकी प्रदेश भित्रका केही स्थानीय तहहरुमा वडा तहमा खाता सञ्चालन भएको उदाहरण प्रस्तुत गर्दै गोरखा नगरपालिकाको पनि सबै स्थानीय तहहरुमा खाता सञ्चालन गरिदीन माग गरेका छौ अर्का एक वडाध्यक्षले बताए । स्थानीय सरकार सञ्चालन ऐनमा वडालाई अख्तियारी दिने उल्लेख छ, तर खाता सञ्चालन छैन, मुख्यमन्त्रि पोखरेललाई यस्ता कुरा पनि सम्झाएका छौ उनले भने ।
मुख्यमन्त्रिसंग गोरखा नगरपालिका ४ का वडाध्यक्ष खोपबहादुर अधिकारी, १ का वडाध्यक्ष हिक्मतबहादुर कुँवर, १२ का वडाध्यक्ष डिलबहादुर थापा, १३ का बडाध्यक्ष हरिबहादुर खनाल, ७ का वडाध्यक्ष बिष्णुप्रसाद श्रेष्ठ, ११ का वडाध्यक्ष रामबहादुर खड्का, १० का वडाध्यक्ष देवीबहादुर बस्नेत र ३ का वडाध्यक्ष रामबाबु बोगटी सहितको टोली सहभागि भएका थिए ।