गोरखा । नेकपा माओबादी केन्द्र भीमसेन थापा गाउँपार्टी किमिटीले पालिका भित्रका सवै वडामा कमिटी पुर्नगठन गरेको छ ।
पार्टीले गाउँपलिकाको ८ वटै वडामा पार्टी कमिटी पुर्नगठन गरि गाउँपालिका पार्टी कमिटिबाट अनुमोदन गरेको गाउँपार्टी अध्यक्ष बिनोद पाण्डेले जानकारी दिए ।
आज भएको पुर्नगठन अन्तरर्गत वडा नम्बर १ को वडाकमिटी अध्यक्षमा बालकृष्ण सुनार, सचिवमा दिर्घमान गुबाजु, २ को अध्यक्षमा शेषनाथ भट्टराई, सचिवमा गकुल लामिछाने, ३ को पार्टी अध्यक्षमा करुणा खनाल, सचिवमा गणेशबहादुर लामिछाने चयन भएका छन् ।
त्यस्तै पार्टीको वडा नम्बर ४ को वडाध्यक्षमा होमनाथ सिंखडा, सचिवमा रुद्र लामिछाने, ५ को अध्यक्षमा साधुराम श्रेष्ठ, सचिवमा शंकर बि.क. र ६ को अध्यक्षमा रनिल रानामगर, सचिवमा फडिन्द्र भट्ट चयन भएको माओवादी केन्द्रले जनाएको छ ।
त्यस्तै गरी वडा नम्बर ७ को अध्यक्षमा रामचन्द्र श्रेष्ठ, सचिवमा दलबहादुर कुमाल, ८ को अध्यक्षमा राम ढकाल र सचिवमा रामबहादुर श्रेष्ठ चयन भएका छन् ।
पार्टी केन्द्रको निर्देशन अनुसार गाउँपालिका भित्रका सवै वडामा पार्टी कमिटी पुर्नगठन गरिएको माओवादी केन्द्र गोरखाले जानकारी गराएको छ ।
पार्टी कार्यालय बगुवामा भएको आजको बैठकले वडाबाट पुर्नगठन गरेर ल्याएको कमिटीलाई गाउँपार्टी कमिटीको बैठक बसेर अनुमोदन गरिएको गाउँ पार्टी अध्यक्ष पाण्डेले बताए ।
बैठकमा गाउँपार्टी कमिटिका इन्चार्ज समेत रहेका नेकपा माओबादी केन्द्रका नेता लोकप्रसाद बन्जाराले वडा कमिटीलाई राजनीतिक बैचारिक र सांगठनिक हिसावले चलायमान बनाउनु पर्नेमा जोड दिए ।
