गोरखा । गोरखा सदरमुकाममा सञ्चालित एक स्कुलका शिक्षकको कोरोना संक्रमणका ज्यान गएको छ ।
गोरखा नगरपालिका ७ को डण्डीडाडाँमा रहेको नवज्योती माविका शिक्षक ऋषिराम लामिछानेको आज राजधानीको नेपाल प्रहरी अस्पतालमा उपचारको क्रममा ज्यान गएको हो ।
साउन पहिलो साता कोरोना संक्रमण देखिएका उनलाई असहज भए पछि गोरखा अस्पताल भर्ना गरिएको भएता पनि थप उपचारकोलागी राजधानीको बीर अस्पताल लगिएको भएता पनि भ्यान्टीलेटरको अभावका कारण नेपाल प्रहरी अस्पताल महाराजगञ्जमा उपचार भईरहेकोमा लामिछानेको मंगलबार निधन भएको बिद्यालयका प्रधानाध्यापक शिवराम कट्टेलले बताए । ‘अनलाईन कक्षा चलाउदा चलाउदै असज महशुस गरेपछी उपचारकोलागी पठार्ईको तर आज दुखद खबर प्राप्त भएको’ प्रअ कट्टेलले बताए ।
२०५० साल असार ३० गते स्थायी नियुत्ती लिएका उनले हालको माविमा भने प्राविमा नेपाली शिक्षकको रुपमा काम गर्दै आएका थिए ।
साहित्यमा विशेष दख्ल भएका लामिछानेलाई ‘गोर्खाली काईला’को उप नामले चिन्निछन् ।