गोरखा । गोरखा नगरपालिकामा आजबाट जेष्ठ नागरिकलाई खोप सेवा सुरु भएको छ ।
गोरखा नगरपालिकाको १४ वटै वडामा जेष्ठ नागरिकहरुले पहिलो मात्र कोभिशिल्ड लगाएर दोस्रो मात्रा नपाएका हरुलाई खोप सेवा सुरु भएको नगरपालिकाको स्वास्थ्य शाखाले जनाएको छ ।
नगरपालिकाले सूचना नै जारी गर्दै ०७७ साल फागुन २३ तथा विभिन्न मितिमा जेष्ठ नागरिकहरुलाई कोभिशिल्ड पहिलो मात्रा खोप लगाई दोस्रो मात्राको खोप लगाउन बाँकी भएका ब्यक्तिहरुलाई कोभिड १९ बिरुद्वको दोस्रो खोपको एस्ट्राजेनिका खोप सुरु भएको जनाएको छ ।
मंगलबार र बुधबार २ दिन सम्म चल्ने खोप सेवा नगरपालिका भित्र १४ वटा केन्द्रबाट सेवा लिन सक्ने नगरपालिकाको स्वास्थ्य शाखाले जनाएको छ ।
स्वास्थ्य शाखाका प्रमुख ईश्वर रेग्मीका अनुसार आज र भोली चल्ने खोप सेवामा जेष्ठ नागरिकका साथै कोभिशिल्ड पहिलो मात्रा लगाएर छुटेका निजामती कर्मचारीहरु, नेपाली सेना, नेपाल प्रहरी र बित्तिय संस्थाका कर्मचारीहरु गरी १ हजार ९५२ जनाले लगाउन बाँकी रहेको छ ।
