गोरखा । उत्तरी गोरखाको सिर्दीबासबाट गर्भवती महिलाको हेलिकप्टरबाट उद्धार गरिएको छ ।
चुमनुव्री गाउँपालिका ३ को सिर्दिबास फिलिमकी २५ बर्षिया छिरिङ डोल्मा गुरुङको हेलिकप्टर मार्फत उद्धार गरिएको हो ।
२ दिन देखी ब्यथा लागेकी गूरुङ बच्चा जन्माउन असहज भए पछि मंगलबार नेपाली सेनाको हेलिकप्टरबाट गर्भवती महिलालाई काठमाण्डौ पठाइएको चुमनुब्री गाउँपालिकाका प्रमुख प्रशासकिय अधिकृत भीमसेन श्रेष्ठले बताए ।
व्यथाले च्यापेर घरमा नै बसेकी ति महिलाले सहज रुपमा बच्चा जन्माउन नसक्ने देखिए पछि गाउँपालिका तथा जिल्ला प्रसासन कार्यालयको बिशेष पहलमा गर्भवती महिलाको उद्धार गरिएको हो । राष्ट्रपति महिला उत्थान कार्यक्रम अन्र्तगत बिकट क्षेत्रका गर्भवती महिलाको आपतकालिन उद्धार हुदै आएको छ ।
सडक सञ्जालले नछोएको उत्त गाउँपालिकाका मानिस सामान्य बिरामी हुदा पनि हेलीकप्टर चार्टर गरेर स्वास्थ्य संस्था पुग्नुपर्ने बाध्यता रही आएको छ ।