गोरखा । वैदेशिक रोजगारीको सिलसिलामा मलेसियामा पुगेका गोरखा एक युवकले आत्माहत्या गरेका छन् ।
बारपाक सुलिकोट गाउँपालिका ४ सौरपानी निवासी ३१ बर्षिय अमर गुरुङले आत्मा हत्या गरेका हुन् ।
पासपोर्ट नम्बर ०५४६०७१३ नम्बर भएका गुरुङला२ कोरोना भए पछि उनी होम आइसोलेसनमा बस्दै आएका थिए ।
मृ्त्तक गुरुङ लामो समयदेखि मलेसियाको राजधानी क्वालालम्पुरमा रहेको मङ्गोजरी रेष्टुरेन्टमा काम गर्दै आएको भएता पनि रेष्टुरेन्ट मालिक संगको विवाद पछि पछिल्लो समय एक सेक्युरिटी कम्पनीसंग आवद्ध रहि सुरक्षागार्डको काम गर्दै आएको उनका सहकर्मीहरुले जानकारी दिए ।
मलेसियाको नियम अनुसार १० बर्ष त्यहाँ बसे पछि नयाँ भिसा बनाउनु पर्ने वा घर फर्कनु पर्नेमा दुवै काम रेष्टुरेन्ट मालिकले गर्न नमाने पछि गुरुङको विवाद भएको थियो ।
साउन १९ गते कोरोना चेक जाँच गरेका उनलाई पोजेटिभ देखिएको अमरका आफन्त सन्दीप गुरुङले जानकारी दिए । सन्दिपका अनुसार अमर होम क्वारेन्टाइनमा बसेको बेला घाँटीमा पासो लगाएर आत्महत्या गरेको अवस्थामा फेला परेको हो ।
अमरले सानो पातलो डोरीले घाँटीमा पासो लगाएको जस्तो देखिको र शरीर भने पुरै भुइँमा अडेस लागेको अवस्थामा फेला पारेको छ ।
स्थानीय प्रहरीले अमरको शवलाई पोस्टमार्टमको लागि क्वालालम्पुर अस्पतालमा लगेको छ । मृतक अमरको घरमा बुवा, आमा, श्रीमति र एक छोरी रहेको पारिवारीक श्रोतले जनाकारी दिएको छ ।