गोरखा । गोरखाको पालुङटारमा आफ्नै छोरी र भतिजीलाई करणी गर्ने बुवा र काकालाई आज प्रहरीले नियन्त्रणमा लिन सफल भएको छ ।
पालुङटार नगरपालिका ८ की ११ बर्षिया छोरीलाई आफ्नै बुवा र काकाले पटकपटक करणी गरेको जिल्ला प्रहरी कार्यालय गोरखाले पुष्टी गरेको हो ।
घटना क्रम अनुसार आमा परपुरुष संग लागी २–३ बर्ष अगाडी गए पछि संरक्षकको रुपमा रहेका आफ्नै ३७ बर्षिय बुवा र काकाले ललाई फकाई पटक पटक करणी गर्दै आएकोमा बालिका बिरामी पर्न थालेको र आफ्नै फुपुले स्थानिय स्वास्थ्य संस्थाका साथै असार २७ गते राजधानीको थापाथलीमा रहेको प्रसुती गृहमा लगि चेकजाँच गराउदा पाठेघरमा समस्या देखिएको अप्रेशन गनुपर्ने बताए पछि बालिकालाई सोधपुछ गर्दा उत्त घटनाको रहस्योघाटन भएको हो ।
बालिकालाई आफ्नै बुवाले रातको समयमा लगाई फकाई गरी आफ्नै कोठामा लगेर करणी गर्ने र काकाले पनि ०७७ साल कार्तिक महिनामा १ पटक करणी गरेको बयान प्रहरीमा दिएको जिल्ला प्रहरी कार्यालय गोरखामा प्रहरी नायव उपरिक्षक एवं सूचना अधिकारी प्रकाश दाहालले बताए ।
बालिकाको तर्फबाट निजकी फुपुले जबरजस्ती करणी शिर्षकमा उनीहरु बिरुद्व जाहेरी दिएको जिल्ला प्रहरी कार्यालयले जानकारी दिएको छ ।
पक्राउ परेको दुवैलाई आज गोरखा जिल्ला अदालतबाट ७ दिनको म्याद थप गरीएको छ । दुवैलाई गोरखा प्रहरीले शुक्रबार अर्थात २२ गते पक्राउ गरेको हो ।
