गोरखा । गोरखामा साता दिन यता देखी दैनिक रुपमा कोरोना संक्रमितहरुको संख्यामा बढोत्तरी हुदै जान थालेको छ ।
आइतबार जिल्लाको ७ स्थानिय तहमा पीसीआर र एन्टिजेन मार्फत परिक्षण गर्दा थप ६५ जनामा कोरोना संक्रमण देखिएको स्वास्थ्य कार्यालय गोरखाले पुष्टी गरेको हो । शनिबार जिल्लाको २ स्थानिय तहमा ७१ जनामा संक्रमण देखिएको थियो ।
कोरोना संक्रमण दिनदिनै बढ्नुमा आफ्नै कमजोरी रहेको भन्दै स्वास्थ्य बिज्ञहरुले भिडभाडमा नजान र स्वास्थ्यको बिशेष ख्याल गरी घरमा नै बस्न अनुरोध समे गरेको छ ।
आइतबार गोरखा अस्पताल, पालुङटार नगरपालिका, आरुघाट गाउँपालिका, शहिद लखन गाउँपालिका, भिमसेन थापा गाउँपालिका, अजिरकोट गाउँपालिका र सिरानचोक गाउँपालिकामा संक्रमितहरु फेला परेका हुन् ।
स्वास्थ्य कार्यालयले आज उपलब्ध गराएको रेकर्ड अनुसार पीसीआर तर्फ आरुघाट गाउँपालिकामा २६ जनामा संक्रमण देखिएको छ । जसमा १५ जना महिला र ११ जना पुरुष रहेका छन् ।
त्यस्तै गरी एन्टिजेन तर्फ गोरखा अस्पतालमा १ जना महिला र ८ जना पुरुष, पालुङटार नगरपालिकामा १ जना पुरुष, आरुघाट गाउँपालिकामा ६ जना महिला, शहिद लखन गाउँपालिकामा २ जना महिलामा संक्रमण देखिएको छ ।
उता भिमसेन थापा र सिरानचोक गाउँपालिकामा ४-४ जना महिला र ५-५ जना पुरुष र अजिरकोट गाउँपालिकामा २ जना महिला र १ जना पुरुषमा संक्रमण देखिएको छ ।
आज संक्रमण देखिएका मध्ये ३४ जना महिला र ३१ जना पुरुष रहेका छन् । आज ५२ जना महिला र ४९ जना पुरुषको पीसीआर रिर्पोट प्राप्त भएको थियो भने ८९ जना महिला र ९७ जना पुरुषमा एन्टिजेन परिक्षण गराईएको कार्यालयले जनाएको छ ।
आजै कार्यालयले विभिन्न स्थानिय तहमा रहेका ६७ जना महिला र ७२ जना पुरुषको पीसीआर संकलन गरेको जनाएको छ ।
आइबार साँझ सम्म जिल्ला भित्र ७८८ जना सक्रिय संक्रमित रहेको पनि कार्यालयले जनाएको छ ।