काठमाण्डौं । जनता समाजबादी पार्टीले हिमाल पारीको गाउँ भनेर चिनिने उत्तरी गोरखाको चुमनुब्री गाउँपालिका भित्रका युवा बिधार्थी तथा उद्यमी व्यवसायीहरु रहेको चुमनुब्री–काठमाण्डौं सम्र्पक समिति गठन गरेको छ ।
पार्टी राष्ट्रिय अध्यक्ष तथा पूर्वप्रधानमन्त्री डा.बाबुराम भट्टराई उपस्थितीमा सम्र्पक समिति गठन गरिएको हो ।
समितिको संयोजकमा कर्मासन्डु लामालाई चयन गरिएको जनाइएको छ । भेलालाई सम्बोधन गर्दै पूर्वप्रधानमन्त्री डा.भट्टराईले डेढ महिना अघिदेखि बुढीगण्डकीको बाढीपहीरोले उत्तरी गोरखामा मान्छे र खच्चर हिड्ने बाटो समेत बगाउॅदा चुमनुब्रीका १२ हजार भन्दा बढी नागरिक संकटमा परेकोमा भन्दै चिन्ता व्यक्त गरे ।
उनले सरकारलाई छिटो बाटो मर्मत गर्न र पिडित नागरिकहरुलाई राहात प्रदान गर्न सोही कार्यक्रममा माग गरे ।
