गोरखा । गोरखाको ४ स्थानिय तहमा आज थप १०३ जनामा संक्रमण पुष्टी भएको छ ।
गोरखा अस्पताल, गोरखा नगरपालिका, पालुङटार नगरपालिका, आरुघाट गाउँपालिका र सिरानचोक गाउँपालिकामा गरी शुक्रबार थप १०३ जनामा संक्रमण देखिएको स्वास्थ्य कार्यालय गोरखाले पुष्टी गरेको हो ।
आज संक्रमण देखिएका मध्ये पीसीआर परिक्षणबाट ७५ जना र एन्टिजेन परिक्षण गर्दा २८ जनामा संक्रमण देखिएको छ ।
पीसीआर तर्फ गोरखा नगरपालिकामा १ जना महिला, पालुङटार नगरपालिकामा ३० जना महिला र २७ जना पुरुष र आरुघाट गाउँपालिकामा ९ जना महिला र ८ जना पुरुषमा संक्रमण देखिएको हो ।
त्यस्तै, गरी एन्टिजेन परिक्षणका क्रममा गोरखा अस्पतालमा ३ जना महिला, पालुङटार नगरपालिकामा २ जना महिला, आरुघाट गाउँपालिकामा ३ जना पुरुष र सिरानचोक गाउँपालिकामा १२ जना महिला र ८ जना पुरुषमा संक्रमण देखिएको स्वास्थ्य कार्यालयले जनाएको छ ।
शुक्रबार संक्रमण देखिएका मध्ये ५७ जना महिला र ४६ जना पुरुष रहेका छन् । यो सहित जिल्लाको विभिन्न स्थानिय तहमा शुक्रबार सम्म ५६८ जना सक्रिय संक्रमित रहेका छन् ।
गोरखामा केही दिन यता देखी संक्रमितहरुको संख्यामा बृद्वि हुन थालेको छ । यो संख्या यसरी नै बृद्वि हुदै जाने हो भने आउदो साता सम्म जिल्लाको सबै स्वास्थ्य संस्थाले थेग्न पनि गारो हुने अवस्था र्सिजना भएको छ ।
सम्वन्धीत सरोकार वालाहरुले बेलैमा सचेतना नअपनाएको खण्डमा जिल्ला भित्र संक्रमितको संख्या भयावह हुन सक्ने स्वास्थ्य बिज्ञहरुले बताए ।
