गोरखा । जिल्लाका केही स्थानिय तहमा आज थप ४३ जनामा संक्रमण पुष्टी भएको छ ।
३० जना पीसीआर रिर्पोट र ११७ जनाको एन्टिजेन परिक्षणका क्रममा बिहीबार थप ४३ जनामा कोरोना संक्रमण देखिएको स्वास्थ्य कार्यालय गोरखाले पुष्टी गरेको हो ।
कार्यालयका अनुसार बिहीबार पीसीआर तर्फ १७ जना र एन्टिजेन तर्फ २६ जनामा संक्रमण देखिएको छ ।
प्राप्त विवरण अनुसार गोरखा नगरपालिकामा ८ जना महिला र २२ जना पुरुषमा गरिएको पीसीआरमा ६ जना महिला र ११ जना पुरुषमा संक्रमण देखिएको छ ।
त्यस्तै, आज गरिएको एन्टिजेनमा गोरखा नगरपालिकामा ६-६ जना महिला र पुरुष, गोरखा अस्पतालमा १ जना महिला र ५ जना पुरुष संक्रमण देखिएको कार्यालयले जनाएको छ ।
उता अजिकोटमा १-१ जना महिला र पुरुषमा तथा सिरानचोकमा ४ जना महिला र २ जना पुरुषमा संक्रमण देखिएको छ ।
आज संक्रमण देखिएका मध्ये १८ जना महिला र २५ जना पुरुष रहेका छन् ।
त्यस्तै गरी आजै पालुङटारमा २८ जना महिला र २३ जना पुरुषका पीसीआर संकलन गरिएको छ ।
आजै आरुघाट र शहिद लखन गाउँपालिका तथा पालुङटारमा एन्टिजेन परिक्षणमा कोही पनि संक्रमित देखिएनन् ।
बिहीबार जिल्लाको भिविन्न स्थानिय तहमा ४७२ जना सक्रिय संक्रमित रहेको कार्यालयले जनाएको छ ।
