साँकेतिक तस्बिर
गोरखा । गोरखाको मनकामना क्षेत्रमा भिरबाट लडेर एक युवकको ज्यान गएको छ । काम गरेर फर्कने क्रममा शहिद लखन गाउँपालिका २ को नयाँबारी क्षेत्रमा भिरबाट लडेर सप्तरी जिल्ला सिसवा वेलही खड्ग नगरपालिका २ निवासी २२ बर्षिय करन बुध चौधरीको ज्यान गएको जिल्ला प्रहरी कार्यालय गोरखाले पुष्टी गरेको हो ।
नयाँ बारी क्षेत्रमा नै रहेको मनकामना रिट्रिड रिर्सोट एण्ड स्पा प्रालिमा काम गर्ने चौधरी मंगलबार राती काम गरेर फर्कने क्रममा भिरबाट लडेर ज्यान गएको जिल्ला प्रहरी कार्यालय गोरखामा प्रहरी प्रमुख प्रहरी उपरिक्षक शेखर खनालले बताए । ‘सधै राती अबेर सम्म काम गरेर फर्कने गरेको र हिजो पनि राती काम गरेर फर्के पनि डेरामा नपुगेको भन्ने जानकारी प्राप्त भएको’ भन्दै ‘आज खोजी गर्ने क्रममा नयाँबारी क्षेत्रमा नै भिरबाट लडेर ३०÷३५ मिटर तल मृत्त अवस्थामा फेला परेको’ प्रहरी उपरिक्षक खनालले बताए ।
चौधरीले मजदुरी गर्दै आएको रिर्सोटका अनुसार उनी प्राय काम सकेर राती डेरामा जाने गरेको र मंगलबार राती डेरामा नपुगे जानकारी प्राप्त भए संगै प्रहरीलाई खबर गरिएको र आज (बुधबार) बिहानै देखी खोजी गर्दा भिरबाट लडेर मृत्त अवस्थामा फेला परेको जानकारी दिए ।
अहिले घटना स्थलमा प्रहरी निरिक्षक सहितको एक टोली पुगेको र अनुसन्धान सुरु गरेको जिल्ला प्रहरी कार्यालय गोरखाले जनाएको छ ।
‘हामी घटनाका बिषयमा स्थानिय, उनका साथीहरु संग र रिर्सोटका कर्मचारी संग बुझदै छौ’ घटना स्थल पुगेका प्रनि रामजी देवकोटाले बताए ।
मृत्तक चौधरीको मृत्यु संकास्पद भएको भन्ने आधारमा जिल्ला प्रहरी कार्यालय गोरखाले एक विशेष टोली घटना स्थल पठाएको जिल्ला प्रहरी कार्यालय गोरखामा प्रहरी नायब उपरिक्षक एवं सूचना अधिकारी प्रकाश दाहालले बताए ।
मृत्तक चौधरीको शव पोष्र्टमार्टमकालागि गोरखा अस्पताल ल्याउने तयारी भई रहेको र घटनाको बिषयमा थप अनुसन्धान भई रहेको कार्यालयले जनाएको छ ।
