गोरखा । कोरोना महामारीका कारण झण्डै साढे दुई महिनादेखी बन्द रहेको गोरखाबाट लामो दुरीको बस भोलीबाट चल्ने भएको छ ।
गएको बैशाख २२ देखि बन्द भएको गोरखाको सार्वजनिक यातायात लामो दुरीमा आइतबारदेखि सञ्चालनमा ल्याउने तयारी भएको यातायात व्यवसायीहरुले जानकारी दिएको हो ।
जिल्ला प्रसासन कार्यालय र यातायात ब्यवसायीहरुको सहमती संगै भोली देखी जिल्ला सदरमुकाम तथा जिल्लाको विभिन्न स्थानबाट चल्ने सार्वजनिक सवारीहरुले लामो दुरीकोलागि सेवा सञ्चालनमा ल्याउने भएको छ ।
साता दिन अगाडी देखी नै जिल्ला भित्र मात्र सञ्चालन भएको सार्वजनिक यातायातले भोली देखी गोरखाबाट काठमाण्डौं, पोखरा, नारायणगढ, बिरगञ्ज, गौर तथा अन्य स्थानकोलागि सवारीहरु सञ्चालन गर्ने जनाएको छ । लामो दुरीमा सार्वजनिक यातायात सञ्चालनका लागि प्रसासनको अनुमति लिनु पर्नेछ ।
प्रसासनले सिमिति संख्यामा व्यवसायीहरुलाई सार्वजनिक यातायातको पास उपलब्ध गराउने र त्यसैका आधारमा लामो दुरीमा यातायात सञ्चालन गर्ने सहमती भएको छ । व्यवसायीहरुले लामो समयसम्म यातायात बन्द गनुपर्दा आफुहरु मारमा परेको यातायात ब्यवसायीहरुले बताए ।
