गोरखा । गोरखा सदरमुकाममा मध्यरातमा भएको सडक दुर्घटनामा परी २ जना प्रहरी घाईते भएका छन् । गोरखाबाट तनहुँको भन्सार जादै गरेको बा.२ ब ८८३६ नम्बरको मोटर साईकल दुर्घटना हुदा प्रहरी जवान भिमबहादुर कुमाल र प्रहरी हवल्दार जितबहादुर बरामु घाईते भएका हुन् ।
घाईते मध्ये बरामुको टाउकोमा चोट लागेका छ भने अर्का प्रहरी जवान सामान्य घाईते भएको जिल्ला प्रहरी कार्यालय गोरखाले जानकारी दिएको छ । घाईते बरामुको भने राती नै गोरखा अस्पतालमा सामान्य उपचार पछि पोखराको चरक अस्पतालमा थप उपचारकोलागि रिफर गरिएको छ ।
तनहुँको भन्सार प्रहरी चौकीमा कार्यारत दुवै जना कामको शिलसिलामा गोरखा बजार आएको र फर्कने क्रममा बुधबार बिहान १ः२५ बजे गोरखा नगरपालिका ६ को लोकतान्त्रिक चोकमा मोटरसाईकल अनियन्त्रीत भएर दुर्घटनामा परेको जनाएको छ ।
फरक जिल्लामा कार्यरत दुवै प्रहरी जवान ड्रेसमा नै रहेका थिए । के कति कामले उनीहरु राती गोरखा सदरमुकाम आएर फर्किन लागे भन्ने भन्ने प्रहरीको अनुसन्धानको बिषय बनेको छ ।
