गोरखा – खुसी र सुखी हुन सबै मानिसलाई मन पर्ने कुरा भित्र पर्छ तर के हामी सधै खुसी र सुखी छौ त ? यदी तपाई सधै खुसी र सुखी हुन चाहनु हुन्छ भने जानेर वा नजानेर यो ५ कुरामा घ्यान दिनु होला ।
अरूजस्तो बन्ने प्रयास नगर्नु
तपाईं जस्तो हुनुहुन्छ नि त्यस्तैमा चित्त बुझाउनुस । धेरै पटक सोचेर मात्र काम गर्नुहोस् । अरूको नक्कल गर्ने बानीले तपाईंलाई दुःखी बनाउन सक्छ । आफू जस्तो हुनुहुन्छ, त्यसमा नै खुसी रहेर अगाडि बढ्नुहोस् ।
झुट नबोल्ने
यो बारम्बार सबैले सधै भन्ने शब्द र विषय हो । तर के हामी कहिल्यै झुठ बोल्दैनौ त ? तर अब यो काम नगर्नु । तर, सुखी र खुसी हुन चाहने हो भने आफैँसँग झुट बोल्न छाड्नुपर्छ । झन्, सधैँका लागि झुट बोल्न छाड्ने हो भने हाम्रो जीवन अत्यन्त खुसी हुन्छ ।
सबै कुरा ‘पर्फेक्ट’ बनाउछु भन्ने नसोच्नुस
कहिलेकाहीँ हामीलाई लाग्छ, यो यस्तो भइदिएको भए । त्यो त्यस्तो भइदिएको भए राम्रो हुने थियो । हामी सबै कुरामा ‘पर्फेक्टनेस’ खोज्छौँ । यस्तो सोच आजै बाट हटाउनुस । सबै कुरा सधैँ पर्फेक्ट नहुन सक्छन्, त्यसलाई पर्फेक्ट बनाउँछु भनेर दिमाग लगाउनुको कुनै अर्थ नहुन सक्छ ।
आफ्नो चाहनालाई प्रार्थमिकता दिनुस
कहिलेकाहीँ साथीभाइ, परिवार तथा आफन्तको आवश्यकता पूरा गर्ने चक्करमा हामी आफ्नै आवश्यकता भने बिर्सन सक्छौँ । आफ्नो आवश्यकता र चाहना बिर्सनु आफूलाई दुःखी बनाउनु हो । सुखी रहन आजैबाट आफ्ना चाहनालाई प्राथमिकता दिन थाल्नुहोस् ।
अरूलाई बदल्ने कोसिस कहिल्यै नगर्ने
यो आवश्यक छैन कि सबै मानिस तपाईंजस्तै हुन् । जीवनमा यस्ता मानिससँग भेट हुनसक्छ, जसको व्यवहार तपाईंसँग मिल्दैन वा उनीहरूले तपाईंलाई मन नपर्ने व्यवहार गर्छन् । उनीहरूलाई त्यस्तै रहन दिनुहोस्, बदल्छु भन्ने संकल्प लिएर अगाडि नबढ्नुहोस् ।
