काठमाण्डौं – नोबल कोरोना भाइरस (कोभिड–१९)बाट नेपालमा एकै दिनमा १६८ जनाको मृत्यु भएको छ भने ९ हजार ३०५ जनामा संक्रमण पुष्टी भएको छ ।
स्वास्थ्य तथा जनसंख्या मन्त्रालयले आज जारी गरेको सूचना बमोजिम देशको विभिन्न अस्पतालहरुमा संक्रमणका कारण मर्नेहरुको संख्या १६८ भएको पुष्टी गरेको हो । पछिल्लो २४ घण्टामा २० हजार ३६२ पिसिआर र ४२४ एन्टिजेन परिक्षण गर्दा ९ हजार ३०५ जनामा संक्रमण देखिएको छ ।
यो संगै नेपालमा संक्रमितहरुको संख्या ४ लाख २२ हजार ३४९ पुगेको छ भने मृत्यु हुनेको संख्या ४ हजार २५२ पुगेको मन्त्रालयले जनाएको छ ।
