गोरखा – गोरखाको शहिद लखन गाउँपालिकाले पालिका भित्र बसोबास गर्ने कृषकहरुलाई उन्नत जातको भैँसी उपलब्ध गराएको छ ।
पालिकाले लागत साझेदारी अवधारणा अनुसार हालै ५० वटा उन्नतजातको मुर्रा जातको भैसी उपलब्ध गराएको हो ।
चालु आ.व. २०७७/०७८ को स्वीकृत कार्यक्रम अनुसार भैँसी प्रवर्द्धन कार्यक्रम’ शिर्षकबाट ५० प्रतिशत कृषक र ५० प्रतिशत पालिकाले ब्यहोर्ने गरी ६ र ९ का कृषकलाई ५० वटा मुर्रा भैँसी उपलब्ध गराएको पालिकाले जनाएको छ । केही समय अगाडी मात्रै दुवै वडालाई पालिकाले भैँसी पकेट क्षेत्र घोषणा गरेको थियो ।
भैसी बितरणकालागि संघीय सरकारबाट शसर्त अनुदानमा प्राप्त २१ लाख ८० हजार र कृषकहरुको तर्फबाट सोही बरावरको रकम जम्मा गरीएको थियो । पालिकालाई दुध उत्पादनमा आत्मनिर्भर बनाउने उद्वेश्यका साथ भैँसी वितरण गरिएको हो ।
