गोरखा – गत सोमबार माछामार्न भनि त्रिशुली खोलामा गएका गोरखाका एक ब्यक्तिको ५ दिन पछि मृक्त शरिर फेला परेको छ ।
जिल्लाको शहिदलखन गाउँपालिका ४ ठेउवाटार बस्ने २२ बर्षका धनबहादुर प्रजाको शव त्रिशुली नदी किनारमा फेला परेको जिल्ला प्रहरी कार्यालय गोरखाले पुष्टी गरेको हो । प्रजाको शव सनिबार फेला परेको हो ।
२३ गते साँझ माछा मार्न भनेर साथीहरु संग त्रिशुली नदी झरेका प्रजालाई सोही राती ८ः४० बजे त्रिशुली नदीले बगाएर बेपत्ता बनाएको थियो । बेपत्ता प्रजाको सोही रातीबाट खोजी भएता पनि फेला पर्न सकेको थियो ।
खोज तलासकै क्रममा सनिबार स्थानियले शहिदलखन गाउँपालिका ४ को भुते बगर भन्ने स्थानमा त्रिशुली नदी किनारमा शव तैरिएको अवस्थामा देखेर पछि प्रहरीलाई खबर गरेका थिए ।
प्रजाको हिजै पोष्टमार्टम पछी शव आफन्तलाई बुझाईएको जिल्ला प्रहरी कार्यालय गोरखाले जनाएको छ ।
