गोरखा – गोरखाको एक ब्यवसायी संग पटक पटक बियर मागेर ज्यान मार्ने धम्की दिने तान्द्राङका युवकलाई प्रहरीले नियन्त्रणमा लिएको छ ।
जिल्लाको भिमसेन थापा गाउँपालिका ३ तान्द्राङ निवासी २० बर्षिय अनुरुपम दाहाललाई प्रहरीले नियन्त्रणमा लिएको जिल्ला प्रहरी कार्यालय गोरखाले पुष्टी गरेको हो ।
दाहालले गोरखा ब्रुअरी प्रालिका सेल्स अफिसरका रुपमा गोरखा जिल्लामा काम गर्ने गोरखा नगरपालिका ६ हरमटारी निवासी निर्मल खनाल र गोरखा नगरपालिका १४ निवासी अशोक खत्रीलाई पटक पटक टेलिफोन मार्फत आफुलाई बियर दिन भनेको र नदिएको खण्डमा राम्रो नहुने भन्दै धम्काए पछि गोरखा प्रहरीले दाहाललाई पक्राउ गरेको हो ।
पक्राउ परेका दाहाले ५ कार्टुन बियर अन्य सामानहरु नदिएको खण्डमा ज्यान समेत लिन सक्ने धम्की दिए पछि ब्यवसायीले प्रहरीमा खबर गरेका थिए । ब्यवसायीको गुनासो लगत्तै दाहाललाई प्रहरीले सोमबार नियन्त्रणमा लिन सफल भएको थियो ।
दाहाललाई मंङ्गबार सार्वजनिक हित बिरुद्वको कसूरमा मुद्वा दर्ता गरी थप अनुसन्धान भई रहेको जिल्ला प्रहरी कार्यालय गोरखाका सूचना अधिकारी प्रकाश दाहालले जानकारी दिए ।
