गोरखा – नेपाल कम्युनिष्ट पार्टी माओवादी केन्द्र गोरखाले जिल्लाको विभिन्न जनवर्गिय संगठनको जिम्मेवारी तोकिदिएको छ ।
गोरखा नगरपालिका ६ को पाटेचौरमा हरेको पार्टी कार्यालयमा बसेको जिल्ला कमिटी बैठकले पार्टीको जनवर्गिय संगठनको जिम्मेवारी तोकिदिएको हो ।
जिम्मेवारी पाउनेहरुमा विद्यार्थी तर्फको अखिल नेपाल स्वतन्त्र बिद्यार्थी यूनियनको ईन्जार्जमा लोकप्रसाद बञ्जारा, वुद्विजिवी संगठनमा जगन्नाथ खनाल, किसान तर्फ कृण्ण धौराली र सूचना तथा सञ्चार तर्फ अकुर तिमिल्सीना रहेको माओवादी केन्द्र गोरखाले जनाएको छ ।
त्यस्तै गरी अखिल नेपाल महिला संघ कान्तिकारी तर्फ कमला नहर्की, शिक्षक संगठनमा ध्रुव भट्ट, शहिद तथा वेपत्ता परिवारको तर्फमा विण्णु भट्ट, उद्योग बाणिज्य संगठन तर्फ गोवर्धन श्रेष्ठलाई बैठकले जिम्मेवारी दिईएको छ ।
बैठकले वाईसिललाई पनि विताएको छ । जिल्लामा वाईसिएल ईन्चार्जमा सुदिप नगरकोटीलाई जिम्मेवारी प्रदान गरेको छ भने निर्माण ब्यवसाय तर्फ पार्टी कार्यालय आफैले हेर्ने गरी जिम्मेवारी बाडफाड गरिएको कार्यालय सचिव अकुर तिमिल्सीनाले जानकारी दिए ।
सोही बैठकले ११ जनजातीय मोर्चाको पनि जिम्मेवारी तोकिदिएको छ । जस अन्तरर्गत नेवा मोर्चामा गोबर्धन श्रेष्ठ, दलित तर्फ दिलबहादुर सेन्चुरी, तमु र तामाङ मुत्ती मोर्चा तर्फ धना तमु, दराई तथा कुमाल मुत्ती मोर्चा तर्फ रामचन्द्र सेडाई, चेपाङ तर्फ कृण्ण चेपाङ, भुजेल तर्फ दीपक देवकोटा र भोेटे लामा मुत्ती मोर्चा तर्फ निमा लामालाई जिम्मेवारी दिईएको कार्यालयले जनाएको छ ।
सर्वोच्च अदातलको फैसला अनुसार एमाले र माओवादी पूर्ववत अवस्थामा नै फर्किएको फैसला गरे लगत्तै अन्य जिल्लामा पनि माओवादी केन्द्रले आफ्ना जनवर्गिय संगठनको पुनः गठनको काम भईरहेको छ ।
सोही बैठकले जिल्लाको ११ वटै पालिकामा कार्य समितिको बैठक तोक्ने समेत निर्णय भएको छ ।
तस्बिर : अकुर तिमिल्सीना ‘आयाम’को फेसबुक पेजबाट
