गोरखा – राष्ट्रिय जनता पार्टी र समाजबादी पार्टी बिचको गोरखा नगरपालिका स्तरीय एकता प्रक्रिया आज सम्पन्न भएको छ ।
जिल्ला भित्रका सवै स्थानीय तहहरुमा समायोजना प्रक्रिया अघि बढाइएको दुई पार्टी बिच आज गोरखा नगरपालिकामा ७७ सदस्य समिति गठन गरेको हो ।
नगर अध्यक्ष उपेन्द्र देवकोटाका अनुसार एकता भेलाले पूर्व समाजबादी पार्टीका अध्यक्ष समेत रहेका देवकोटलाई एकतापछिको जसपाको अध्यक्षमा चयन गरेको हो । उपाध्यक्षमा कृष्ण अर्याल, सूर्य गुरुङ्ग, सचिवमा रामभक्त खनाल, सह–सचिवमा सविता खत्री (कैनी) र कोषाध्यक्षमा कर्ण बहादुर गुरुङ्ग चयन भएका छन् ।
भेलाले २७ सदस्य नगर सचिवालय समितिको पनि गठन गरेको छ । भेलामा पार्टीका केन्द्रीय सदस्य ज्ञानेन्द्र कुुमालको उपस्थिती रहेको थियो ।
भेलालाई जसपा गोरखा जिल्ला अध्यक्ष नारायण खत्री , नगर अध्यक्ष उपेन्द्र देवकोटा, नगर सचिव राम भक्त खनाल लगायतले सम्बोधन गरेका थिए ।
एकता प्रकृया अब बारपाक सुलिकोट गाउँपालिमा मात्र बाँकी रहेको जसपा गोरखाले जनाएको छ ।
