गोरखा – बेरोजगार युवाहरुकोलागी मोबाईल मर्मत तालिम सम्पन्न भएको छ । घरेलु तथा साना उद्योग कार्यालयको आयोजनामा शहिद लखन गाउँपालिकाको खाब्दि भन्ज्याङमा तालिम सम्पन्न भएको हो ।
शहिद लखन गाउपालीका वडा ६, ७, ८ र ९ का वेरोजगार युवाहरुकोलागि सञ्चालित तालिम आज (आईतबार) सम्पन्न भएको घरेलु तथा साना उद्योग कार्यालयले जनाएको छ । मोबाईल मर्मतबाटै गाउँमा युवाहरुले रोजगारी पावस भन्ने उद्वेश्यका साथ सञ्चालित तालिममा ४ वटा वडाका २० जना युवाहरु तालिममा सभागी भएका थिए ।
माघ २ गते देखि सञ्चालित तालिममा कालीका मोबाईल मर्मत तथा बिक्रि केन्द्र गोरखाले सहभागीहरुलाई प्रशिक्षण गराएको थियो । तालिममा १ महिला सहित १९ जना पुरुषको सहभागीता रहेको थियो ।
तालिम समापन कार्यक्रममा घरेलु तथा साना उधोग कार्यलय गोरखाका प्रमुख दिनेश पौडेल, शहिद लखन गाउँपालिका वडा नम्बर ७ र ८ का वडाध्यक्ष द्वय शरण श्रेष्ठ र काशिनाथ अंगाई, नेकपा एमेला गाउँ कमिटी प्रतिनिधी धन बहादुर बिक, नेपाली काँग्रेसका गाउँ कमिटी प्रतिनिधी मदन प्रसाद लम्साल, नेकपा माओबादी केन्द्रका गाउँ कमिटी प्रतिनिधी गणेश लम्साल, जसपाका गाउँ कमिटी प्रतिनिधी मधुकर वन्तको उपस्थिती रहेको थियो ।
