गोरखा – मानव सेवा आश्रम गोरखाले जिल्लामा आएका नयाँ प्रमुख जिल्ला अधिकारी सहित सुरक्षा निकायका प्रमुखलाई स्वागत गरेको छ ।
आश्रमको सदरमुकाममा रहेको कार्यालयमा सनिबार प्रमुख जिल्ला अधिकारी, नेपाल प्रहरीका प्रहरी नायव उपरिक्षक र शसत्रका प्रहरी नायव उपरिक्षकलाई एक कार्यक्रम गरी स्वागत गरिएको हो ।
कार्यक्रममा जिल्ला प्रशासन कार्यालय गोरखाका प्रमुख जिल्ला अधिकारी शालीग्राम पौडेल, जिल्ला प्रहरी गोरखाका प्रहरी नायब उपरिक्षक प्रकाश दाहाल र शसत्र प्रहरी बल गोरखाका प्रमुख राजेन्द्र अधिकारीलाई अभिभावक शित्तलकाजी मास्केले खादा ओडाएर सम्मान गरेका थिए ।
सम्मान कार्यक्रममा बोल्दै प्रमुख जिल्ला अधिकारीले गोरखा आएर पहिलो पटक गोरखाकाली माताको दर्शन गर्नु भन्दा आश्रममा आएर बालबालिकाको दर्शन गर्दा पुण्य मिल्ने भन्दै आफु गोरखा जिल्लामा रहदा आश्रमकालागि आवश्यक कुनै पनि सहयोग गर्न तयार रहेको बचनबद्वता ब्यत्त गरे ।
कार्यक्रममा प्रनाउ दाहाल र शसत्र प्रहरी बल गोरखाका प्रमुख अधिकारीले पनि आश्रमलाई सहयोगको आश्वासन दिए । कार्यक्रममा भवन निर्माण समितिका संयोजक ईश्वरकाजी मास्केले हालै भन्दै गरेको भवनको बिषयमा जानकारी गराएका थिए ।
प्रजिअबाट २० हजार सहयोग
आश्रमको स्वागत कार्यक्रममा पुगेका गोरखाका प्रमुख जिल्ला अधिकारी शालीग्राम पौडेलले आश्रमलाई नगद २० हजार सहयोग उपलब्ध गराएका छन् ।
प्रजिअ पौडेलले आफ्नो हैसियत अनुसार अरु दिनमा पनि सहयोग उपलब्ध गराउदै जाने भन्दै पहिलो पटक आफ्नो मासिक तलबको आधा रकम २० हजार सहयोग उपलब्ध गराएको बताए ।
उनले उत्त अवशरमा आश्रमले अझै पनि सडकमा भौतारीरहेका अभिभावक विहिनहरुको सेवामा सक्रिय भएर लाग्न अनुरोध गरे ।
