साँकेतिक तस्बिर
गोरखा – गोरखाको चुमनुब्रीमा भरुवा बन्दुक सहित १ जना युवकलाई प्रहरीले पक्राउ गरेको छ ।
जिल्लाको चुमनुब्री गाउँपालिका ३ को पाङसिङबाट १९ बर्षका सन्देश गुरुङलाई प्रहरीले पक्राउ गरेको हो ।
विशेष सूचनाको आधारमा प्रहरीले उनको घरमा तलासी गर्दा अवैध रुपमा राख्दै आएको १ नाले भरुवा बन्दुक सहित गुरुङलाई पक्राउ गरीएको जिल्ला प्रहरी कार्यालय गोरखाका प्रहरी नायव उपरिक्षक प्रकाश दाहालले बताए ।
फागुन २५ गते मंङ्गलबार पक्राउ परेका गुरुङ जिल्ला सदरमुकाम ल्याईएको छ । गुरुङलाई हातहतियार तथा खरखजाना मुद्वामा आज गोरखा जिल्ला अदालतमा पेश गरिने र थप अनुसन्धानकालागि म्याद थपको माग गरिने प्रहरी कार्यालयले जनाएको छ ।
उत्त मुद्वामा ५ बर्ष सम्म कैद र ५० हजार रुपैयाँ सम्म जरिवाना हुन सक्ने कानूनी प्रावधान छ ।
