गोरखा – गोरखा बजारको दलभञ्ज्याङ क्षेत्रमा आज मोटरसाईकल एक आपसमा ठक्कर खादा १ जना घाईते भएको छ ।
गोरखा नगरपालिका ९ को दलभञ्ज्याङ क्षेत्रमा सनिबार बिहान ९ः०० बजे भएको दुर्घटनामा परी गोरखा नगरपालिका ८ आयुवेदिक क्षेत्रमा बसोबास गर्ने सुरेन्द्र जोशी घाईते भएको हो । जोशीको गोरखा अस्पतालमा सामान्य उपचार पछि थप उपचारकोलागी चितवन लगिएको जिल्ला ट्राफिक प्रहरी कार्यालयले जनाएको छ ।
गोरखा बजार देखी लक्ष्मी बजार तर्फ जादै गरेको प्रदेश नम्बर ३–०२–०१३ प ३६१६ नम्बरको मोटरसाईकल र विपरीत दिशाबाट आउदै गरेको ना. ३३ प ८६६८ नम्बर मोटर साईकल एक आपसमा ठक्कर खाएको हो ।
घाईते जोशीको बायाँ हात बायाँ खुट्टा भाँचिएको गोरखा अस्पतालले जनाएको छ । अर्का मोटर साईकल चालक शहिद लखन ६ घैरुङका मनुराज थापा मगर पनि सामान्य घाईते भएका छन् । दुर्घटना पछि मगर र मोटरसाईकल प्रहरीले नियन्त्रणमा लिएको छ ।
