गोरखा – महिलाको पाठेघर र पाठेघरको मुखको क्यान्सर सम्वन्धी स्वास्थ्य जाँचमा पहिलो दिन १२८ जना महिलाले स्वास्थ्य जाँच गराएका छन् ।
रोटरी र रोट्याक्ट क्लब अफ गोरखाको आयोजनामा बुंकोट स्वास्थ्य चौकीमा भएको परिक्षण तथा शिविरमा उत्त संख्याका महिलाहरुले जाँच गराएका हुन् ।
एनएसिसी फाउण्डेश बनेपाको प्राविधिक सहयोगमा भएको परिक्षण तथा उपचार शिविरमा १२८ जना महिलाहरुले परिक्षण गराएको अध्यक्ष काशिनाथ अंगाईले जानकारी दिए । अध्यक्ष अंगाईका अनुसार ८० जनालाई निशुल्क औषधी दिइएको छ । जस मध्ये ८ जना महिलामा पाठेघरको मुखमा क्यान्सर देखिने अवस्था आएको कारण रिंङ राखिएको छ ।
क्लबका अनुसार यो शिविर ५ दिन सम्म शहिद लखन गाउँपालिकाको विभिन्न स्थानमा सञ्चालनमा आउने छ । दोस्रो दिन शिविर घैरुङ स्वास्थ्य चौकीमा सञ्चालनमा आउने छ ।
