गोरखा – गोरखाको लक्ष्मी बजारमा सरकारी जीप दुर्घटना हुदा ५ जना घाईते भएका छन् ।
कोष तथा लेखा नियन्त्रक कार्यालय गोरखाको बा. २ झ २२९२ नम्वरको बोलेरो जीप लक्ष्मीबजारमा दुर्घटना भएको हो ।
जीप अनियन्त्रित भै दुर्घटना हुदा जीपमा सवार ३ जना सहित सडकमा हिँडिरहेका २ बालिका घाइते भएको जिल्ला प्रहरी कार्यालय गोरखाले जनाएको छ ।
घाइते हुने बालिकाहरुमा लक्ष्मीवजार बस्ने ६ वर्षकी अमिशा थापामगर र सोही ठाऊँकी ७ वर्षकी इरमन थापा रहेका छन् । त्यस्तै जीपमा सवार कोलेनिका गोरखाका प्रमुख नारायणदत्त शर्मा, गोरखा कारागारका प्रमुख गणेशप्रसाद भट्टराई र चितवन भरतपुर वडा नम्वर १० उर्मिला भट्टराई घाइते भएका छन् ।
सबैको गोरखा अस्पतालमा सामान्य उपचार पछि थप उपचारकोलागी चितवन मेडिकल कलेजमा रिफर गरेको प्रहरी कार्यालयले जनाएको छ ।
