गोरखा – जिल्लामा कोरोना भाइरसविरुद्धको खोप कोभिसिल्ड खोप आईपुगेको छ ।
प्रदेश स्वास्थ्य आपूर्ति व्यवस्थापन केन्द्रले प्रदेशका सबै जिल्लामा कोरोना भाइरसविरुद्धको खोप कोभिसिल्ड पठाउन सुरु गरे संगै गोरखामा पनि मङ्गलबार खोप आईपुगेको हो ।
भारतले सहयोगस्वरूप नेपाल सरकारलाई केही दिन पहिले उपलब्ध गराएको ‘कोभिसिल्ड’ भ्याक्सिन गोरखामा पनि आइपुगेको जिल्ला स्वास्थ्य कार्यालयका कोल्डचेन अधिकृत ऋषिराम खत्रीले बताए । प्रदेश सरकार मार्फत प्राप्त खोप प्रमुख जिल्ला अधिकारी तिर्थराज भट्टराईले बुझेर कोल्ड स्वास्थ्य कार्यालय गोरखाको कोल्ड चेनलाई हस्तान्तरण गरिएको छ ।
गोरखा जिल्लाकोलागि २ हजार १० डोज अर्थात २०१ भाइल कोरोना भाइरसविरुद्धको भ्याक्सिन प्राप्त भएको हो । १ भाइलमा १० डोज हुन्छ ।
माघ १४ गते बुधबार देखी सुरु हुने खोप सेवा माघ १८ गते आइतबार सम्म हुने छ । पहिलो चरणमा गोरखा नगरापालिका, शहिद लखन गाउँपालिका र भिसेन थापा गाउँपालिकामा कायरत २५६ जनलाई स्वास्थ्यकर्मी, महिला स्वास्थ्य स्यमंसेवीका, सरसफाई सहयोगी, सुरक्षाकर्मीहरु मध्ये शब ब्यवस्थापनमा संलग्न, एम्बुलेन्स चालक र शब बहान चालकलाई लगाईने छ ।
खोप सेवा गोरखा अस्पतालबाट दिने भएको छ । खोप सञ्चालन गर्दा जिल्लाको कुनै पनि स्वास्थ्य संस्था बन्द नहुने गरी सेवा सुचारु गर्न लागिएको स्वास्थ्य कार्यालय गोरखाले जनाएको छ ।
गाेरखामा पहिलाे चरणमा १ हजार ७८९ जनाले खाेप लगाउदै छन् ।
