गोरखा – सोमबार गोरखा बजारबाट सोमबार चोरी भएको १ वटा मोटरसाईकल वेवारिसे अवस्थामा फेला परको छ ।
गोरखा नगरपालिका ८ को बराह क्षेत्रबाट चोरी भएको बा. ८२ प ४४३८ नम्बरको पल्सर २२० मोटर साईकल गोरखा नगरपालिका १३ को अबुवा क्षेत्रमा फेला परेको हो ।
अबुवाका स्थानियले सडकमा वेवारिसे अवस्थामा मोटरसाईकल देखे पछि प्रहरीलाई खबर गरेको हो । मझुवा प्रहरीले मुकुल्का सहित उत्त मोटर साईकल अहिले जिल्ला प्रहरी कार्यालय गोरखामा पठाएको छ ।
उत्त मोटरसाईकल जिल्लाको शहिद लखन गाउँपालिका ८ मैलुम घर भएका सुरेश पुलामीको भएको जिल्ला ट्राफिक प्रहरी कार्यालय गोरखाले जनाएको छ । पुलामी राजधानी जान भिनाजुको घरमा बास बस्दा सोमबार राती मोटरसाईलक चोरी भएको थियो ।
अन्य २ वटा मोटरसाईकलको भने खोजी भई रहेको प्रहरी कार्यालयले जनाएको छ । सोमबार मध्य राती लु. ६९ प ०९२४ नम्बरको सरकारी र लु. ६० प २५९० मोटरसाईकल समेत चोरी भएको थियो ।
फेला परेको पुलामीको मोटरसाईकल कानूनी प्रकृया पुरा गरेर फिर्ता गर्न लागेको जिल्ला ट्राफिक प्रहरी कार्यालयले जनाएको छ ।
