गोरखा – गोरखामा ६ महिनामा अवधीमा करिब ३ हजार सवारी साधान कारवाहीमा परेका छन् ।
साना तथा ठुला सवारी साधनले ट्राफिक नियम उल्घंन गरेका कारण २ हजार ८५० वटा सवारी साधन कारवाहीमा परेका हुन् ।
जिल्ला ट्राफिक प्रहरी कार्यालयका अनुसार २ पाग्रे सवारी साधान सबै भन्दा बढी कारवाहीमा परेका छन् । २ पाग्रे सवारी साधन अन्तरर्गत मोटरसाईकल तथा स्कुट मात्रै यो ६ महिनाको अवधीमा ९९२ वटा कारवाहीमा परेका छन् ।
त्यस्तै गरी ५४० वटा कार/जिप, ५३४ ट्याक्टर र ३९३ ट्रक/टिपर कारवाहीमा परेको जिल्ला ट्राफिक प्रहरी कार्यालय गोरखाका प्रमुख मित्रलाल ढकालले बताए । ६ महिनाको यो अवधिमा ३९१ वटा बस समेत कारवाहीमा परेको छ ।
कार्यालयका अनुसार सवारी चालक अनुमती पत्र लिएर नहिडेका, ओभर लोड, धेरै यात्रु राखेर हिडेको र सवारी नियम उल्घंन गरेको कारण कारवाही गरिएको हो । सबै सवारी साधनबाट १९ लाख ३५ हजार ५०० रुपैयाँ राजश्व संकलन भएको समेत कार्यालयले जनाएको छ ।
कार्यालयले उपलब्ध गराएको रेकर्ड अनुसार साउनमा २५०, भर्दौमा १५०, असोजमा ३००, कात्र्तिकमा ६००, मंसिर ७५० र पुषमा ८०० सवारी साधन कारवाहीमा परेको हो । कारवाही परेका मध्ये ट्रक/टिपरबाट २ लाख ६५ हजार, बसबाट २ लाख ६१ हजार ५००, कार/जिपबाट ३ लाख ५८ हजार, ट्याक्टरबाट ३ लाख ५७ हजार र मोटरसाईकलबाट ६ लाख ६७ हजार रुपैयाँ राजश्व संकलन भएको छ ।
गत बर्षको यही अबधीमा भने ६ हजार ५० वटा सवारी साधन कारवाहीमा पर्दा ४२ लाख ९९ हजार राजश्व संकलन भएको ट्राफिक प्रहरी कार्यालयले जनाएको छ ।
