गोरखा – आज २९९ औं पृथ्वी जयन्ती तथा राष्ट्रिय एकता दिवशको अशवरमा गोरखाको ५ स्थानिय तहले सार्बजानिक बिदा दिएको छ ।
पृथ्वी जयन्तीको अवशरमा जिल्लाको पालुङटार र गोरखा नगरपालिका तथा अजिरकोट, भिमसेन थापा र सिरानचोक गाउँपालिकाले आज सार्बजानिक बिदा दिएको हो ।
नेपाल एकिकरणका महानायक मानिएको पृथ्वीनारायण शाहको जयन्तीको अशवरमा आज जिल्लामा फरक फरक कार्यक्रम तय गरीएको छ । आज पहिलो पटक राष्ट्रिय प्रजातन्त्र पार्टीले केन्द्रिय अध्यक्ष कमल थापा सहितको भब्य कार्यक्रम तय गरेको छ भने गोरखा नगरपालिकाले पनि पृथ्वी जयन्तीको अवशरमा छुट्टै कार्यक्रम तय गरेको छ ।
कार्यक्रम अनुसार आज बिहान राप्रपाले पुरानो बसपार्कमा जम्मा भएर बाजागाजा र झाकी सहित गोरखा संग्रालयमा रहेको पृथ्वीनारायण शाहको शालिकमा माल्र्यापण सहित संबोधन कार्यक्रम तय गरेको छ ।
त्यस्तै गरी गोरखा नगरपालिकाले बिहान १०ः३० बजे सदरमुकाममा रहेको खेलकुद मैदानमा जम्मा भएर झाकी र ¥याली सहित नगरको विभिन्न भागको परिक्रममा गरेर संग्रालयको परिषर भित्र रहेको पृथ्वीनारायण शाहको शालिकमा माल्र्यापण सहित सभाको आयोजना गरेको छ ।
आजै गोरखा यूथ क्लव गोरखाको आयोजनामा खुल्ला दौड प्रतियोगिता समेत आयोजना गरिएको छ । पश्लाङको द्रब्यशाह चौतारो हुदै सतिपिपल, ठुलो आँगन, पाटेचौर, गोरखा अस्पताल, लोकतान्त्रिक चोक, कालिमाटी बजार हुदै पुरानो बसपार्कमा पुगेर दौड समापन हुने छ ।
आजै साँझ नेपाल पत्रकार महासंघ गोरखा शाखाको आयोजनामा गोरखा संग्रालय भित्र रहेको पृथ्वीनारायण शाहको शालिक वरपर दिप प्रज्वलन कार्यक्रम समेत तय भएको छ ।
