काठमाण्डौं – सामान्यतया हाम्रो भान्सामा कागती नहुने कुरै भएन । कागतीले खानाको स्वादलाई धेरै फरक पार्छ । कागतीमा भएको अमिलो पनाले धेरै खानेकुरालाई स्वादिष्ट बनाउने गर्दछ ।
खाना खादा तरकारीमा कागती निचोरेर खानुको मज्जा नै बेग्लै हुनछ । गर्मीको मौसममा त झन्ै कागतीपानी पिउनु स्वास्थ्यकालागि हितकर हुन्छ ।
कागतीले प्यास पनि बुझाउँछ र शरिरमा स्फुर्ती समेत ल्याउछ । बिहानै खाली पेट कागतीपानी पिउनुभयो भने त झन् यसका धेरै फाइदा हुने गर्दछ ।
कागतीका फाइदाहरु :
भिटामिन सी
कागतीमा भिटामिन सी भएका कारण हाम्रो शरिरलाई यो अति आवश्यक तत्त्व हो । यसले रोगहरूसँग लड्न मद्दत गर्छ । बिहानको समयमा यसको सेवनले रोगप्रतिरोधक क्षमता बढाउने गर्दछ । रुघाखोकी जस्ता संक्रमण पनि यसले राख्न दिँदैन ।
पाचन क्रिया राम्रो
बिहान मनतातो पानीमा कागती र मह हालेर पिउनुभयो भने शरीरमा पाचक रस बन्न शुरु हुन्छ । यसले भोक लाग्न शुरु गर्छ र पाचनक्रियालाई राम्रो राख्न पनि मद्दत गर्छ ।
छालामा निखार
कागतीमा भएको एन्टीअक्सिडेन्ट गुणले छालामा निखार ल्याउँछ । छालाको दागहरु सफा हुन्छन् ।
मुखको दुर्गन्ध हट्छ
सामान्यत पुरुषहरुले रक्सी सेवन गर्दा भोलिपल्ट बिहान मुख गन्हाउने गर्दछ । त्यस्तो बेलो बिहानै उठेर पानीमा कागती मिसाएर पिउदा रक्सीको गन्धका साथै मुखका अन्य दुर्गन्ध पनि हटाइदिन्छ । शरीरलाई विषरहित बनाउन यसले मद्दत गर्छ ।
तौल कम गर्न
मोटोपनाबाट ग्रस्त हुनुहुन्छ भने बिहान खाली पेट पानी, कागती र मह सेवन गर्दा पेटमा जमेको बोसो कम हुन थाल्छ । यसले मेटाबोलिजम पनि बढाउँछ ।
जोर्नीको पीडाबाट राहत
जोर्नीको पीडाबाट चिन्तित हुनुहुन्छ भने कागतीपानी पिउनुस । फाइदा पुग्छ ।
एजेन्सीकाे सहयाेगमा तयारपारीएकाे
