गोरखा – जिल्ला भित्र रहेका सरकारी कार्यालयहरुमा ढिलासुस्ती बढेको भन्दै जनता समाजबादी पार्टी (जसपा)ले आपत्ती जनाउदै प्रमुख जिल्ला अधिकारी मार्फत ध्यानाकर्षण गराएको छ ।
पार्टी नगर समितिका इन्चार्ज ज्योती कोइरालाको नेतृत्वको टोलीले प्रमुख जिल्ला अधिकारीलाई ध्यानाकर्षण पत्र बुझाउदै तत्काल सुधार गर्न अनुरोध गरेको हो ।
मालपाेत कार्यालय गाेरखामा सेवा ग्राहीकाे भिड
विभिन्न बहानामा अधिकासं सरकारी कार्यालयले सर्व साधारण नागरिकहरुको काममा ढिलासुस्ती गरे पछि प्रजिअ मार्फत ध्यानकर्षण गराउन बाध्य भएको जसपा गोरखाले जनाएको छ ।
प्रजिअ तिर्थराज भट्टराइलाई बुझाइएको ज्ञापन पत्रमा जिल्ला प्रसासन, मालपोत, नापी, राजस्व, घरेलु कार्यालय लगायतका कार्यालयमा नागरिकहरुले दिनहुँ जसो सास्ती खोप्नु परेको उल्लेख गरिएको छ ।
जिल्ला प्रशासन कार्यालयमा सेवा ग्राहीकाे भिड
मालपोत कार्यालय लगायतमा लेखापढी ब्यवसायीहरुले सेवाग्राही सँग चर्को शुल्क असुलेर बिचौलियाको काम गर्ने गरेको आरोप समेत ध्यानाकर्षण पत्रमा लगाएको छ ।
समयमा अबस्थामा हुनुपर्ने काम लेखनदासले फाईल घुमाएर धेरै पैसा असुलेर गरिरहेकोले तत्कालै सुधार गर्नुपर्ने जसपाले जनाएको छ । जनताको श्रम पसिनाबाट तिरेको करले पालिएका राज्यका संयन्त्र एवं कर्मचारीबाट जनता माथि नै सास्ती थोर्पनु दुखद् कुरा भएको समेत ध्यानाकर्षण पत्रमा उल्लेख गरिएको छ ।
