काठमाण्डौं – अष्ट्रेलियामा जारी बिग बास लिग बीबीएल क्रिकेटमा नेपाली लेग स्पिनर सन्दीप लामिछाने आबद्द होबार्ट हुरिकेन्स पराजित भएको छ ।
बिहीबार भएको खेलमा होबार्ट सिड्नी थन्डरसँग ३९ रनले पराजित भएको हो । सिड्नीले दिएको १६८ रनको लक्ष्य पछ्याएको होबार्टले २० ओभरमा ८ विकेट गुमाएर १२८ रनमा समेटिएको हो ।
होबार्टका लागि कप्तान पिटर ह्यान्ड्सकम्पले सर्वाधिक ३०, बेन म्याकडेरमोटले २२, डाविड मालनले २०, डीअर्सी सर्टले १९ र कोलिन इन्ग्रामले १२ रन बनाए ।
सिड्नीका क्रिस ग्रीन, तानभिर संघा र नाथन म्याकएन्ड्रयुले २÷२ विकेट लिए । यस अघि टस हारेर पहिले ब्याटिङ गरेको सिड्नीले २० ओभरमा ५ विकेट गुमाएर १६७ रन बनाएको थियो ।
सिड्नीका लागि उस्मान ख्वाजाले ४९, एलेक्स रोसले ४४ र बेन कटिङ ३१, एलेक्स हालेसले २१ र अर्जुन नैरले १५ रन जोडे ।
होबार्टका डीअर्सी सर्टले ३ विकेट लिए । सिड्नीविरुद्ध सन्दीपले १ विकेट लिए । उनले ४ ओभरमा २३ रन खर्चिएर १ विकेट लिएका हुन । सन्दीपले लगातार तेस्रो खेलमा विकेट लिएका हुन् । यस अघिका २ खेलमा उनले ३ विकेट लिईसकेका छन् ।
जितसँगै सिड्नी २२ अंक जोडेर शीर्ष स्थानमा उक्लिएको छ । होबार्ट ७ खेलमा १८ अंक जोडेर तेस्रो स्थानमा छ ।
