गोरखा – गोरखामा नोबल कोरोना भाइरस (कोभिड–१९)को संक्रमण संगै बन्द भएको आँखाको शल्यक्रिया शुरु भएको छ ।
संक्रमण फैलन सक्ने भन्दै गएको चैत्र देखी बन्द गरिएको आँखाको शल्यक्रिया ११ महिलना पछि लायन्स क्लब अफ गोरखाले पुनःशुचारु गरेको हो ।
जिल्ला भित्रको आँखा रोगीहरुको ब्यापक जनगुनासा पछि क्लबले २ दिनको शल्यक्रिया कार्यक्रम सञ्चालन गरेको अध्यक्ष श्यामबावु श्रेष्ठले बताए । १९ गते अप्रेशन गनुपर्ने बिरामीहरुको छनौट गरी २० र २१ गते २ दिन शल्यक्रिया गरिएको अध्यक्ष श्रेष्ठले जानकारी दिए ।
२ दिनमा ६२ जनाको शल्यक्रिया सम्पन्न भएको आँखा अस्पतालले जनाएको छ । अहिले सम्म रोकिएको आँखा जाँच र शल्यक्रिया अब प्रत्येक महिना शुचारु गरिने समेत अस्पतालले जनाएको छ ।
क्लबका अनुसार आउदो महिना देखी अन्य समयमा जस्तै महिनाको तेस्रो हप्तामा नियमीत शल्यक्रिया शिविर सञ्चालन गरिने जनाएको छ । क्लबले शल्यक्रिया गर्दा प्रत्येक बिरामीबाट रु ४ हजार रुपैयाँ लिने गरेको छ ।
